Биламизки, ҳаёти давомида турли финжонларни, ручкалар, бош кийимлар ва ўйинчоқларни коллекция қиладиган инсонларни кўп кўрганмиз. Буниси эса сизни аниқ ҳайратлантиради.

Сабаби, ҳиндистонлик Канябойин Судахкар ғайриоддий автомобилларнинг энг катта коллекцияси учун Гиннеснинг рекордлар китобига киритилди.

Унинг коллекцияси ўзи яратган 57 та автомобилдан иборат. Улар Ҳайдарободдаги музейда сақланади. Бу эркак 14 ёшидан буён металл қисмлардан фойдаланиб машина ясайди. Ҳаттоки, 2005 йилда унинг муаллифлигидаги уч ғилдиракли велосипед катталиги бўйича рекорд қўйган.

Судахкарнинг айтишича, музейга машиналарни кўришга айниқса болалар катта қизиқиш билдиради. Кунига 600-1000 нафар болалар музейга машиналарни томоша қилишга келади. У бундай автомобилларни ясаш қийинлигини, лекин натижаси билан фахрланишини таъкидлаган.

• Автомобил
• Kolleksiya
• Lifestyle
• қизиқарли
• рекорд