Туркиянинг Haber Global телеканали ходими Муҳаррем Жан Куртулуш қуролли ҳужумда ҳалок бўлди. Бу ҳақда Oxu.az интернет нашри маълум қилди.

Қайд этилишича, у ўз машинасини Истанбулнинг Бейликдюзу туманидаги автотураргоҳда тўхтатган. Шундан сўнг, журналистнинг эътиборини тўрт киши ва тўхташ жойидаги амалдорлар ўртасидаги зиддият жалб қилган. Кейин у аралашишга қарор қилиб томонларни яраштиришга ҳаракат қилган.

Кейинчалик, Муҳаррем Жан Куртулуш дўсти билан кафедан чиқиб, машинага ўтирганда, ўша тўрт киши унинг машинасининг йўлни тўсиб қўйган. Журналист машинадан тушиши билан жиноятчилар ўқ узиб воқеа жойидан қочиб кетишган.

Оғир яраланган журналист Куртулуш касалхонага ётқизилган. Аммо шифокорлар унинг ҳаётини сақлаб қола олмаган.

Полициянинг тезкор ҳаракатлари туфайли тўртта гумондор ҳам қисқа вақт ичида ҳибсга олинган. Уларнинг яшаш жойида ўтказилган тинтувларда рўйхатдан ўтмаган қурол, тарози ва 1 кг 200 г гиёҳванд моддалар топилган.

• Туркия
• jurnalist