Бугун соат 04:40 ларда А-373 автомобиль йўлининг Водий-Тошкент йўналишида Lacetti автомашинасини бошқариб кетаётган ҳайдовчи ҳаракат хавфсизлигини таъминлай олмасдан ўзи билан бир йўналишда ҳаракатланиб келаётган юк машинасига урилиб, ЙТҲ содир этган.  

Натижада Lacetti йўловчиси оғир тан жароҳати билан вафот этган. Ушбу автомобилнинг 2-йўловчи эса шифохонага ётқизилган.

Мазкур ҳудудда соат 08:39 ларда ҳам Cobalt бошқариб кетаётган ҳайдовчи ҳаракат хавфсизлигини таъминлай олмай, бошқарувни йўқотиб ўзи билан бир йўналишда йўлнинг ўнг томонида ҳаракатланиб кетаётган юк машинасининг орқа қисмига ва йўлнинг ўнг томонида ҳаракатланиб кетаётган яна бир юк машинасига бориб урилган. Бу ҳақда Наманган вилояти ИИБ ЙҲХБ ахборот хизмати хабар берди.

Ҳодиса оқибатида Cобалтда бўлган икки йўловчи  оғир тан жароҳатлари билан вафот этган.

Ҳар икки ҳолат юзасидан Поп туман ИИБ ТБ томонидан ЖКнинг 266-моддаси 2-қисми билан жиноят иши қўзғатилган.

• Lacetti
• Наманган
• Қамчиқ
• YTH