Жанубий Кореяда 2 нафар бошланғич синф ўқувчисини алдаб, ўз машинага ўтқазиб, жинсий тажовуз қилгани айтилган Ўзбекистон фуқароси ҳибсга олинди. Бу ҳақда Donga хабар берди.

Маълум қилинишича, мазкур шахс жорий йилнинг 8 апрель куни эрталаб соат 8:40 атрофида Инчхоннинг Ёнсу шаҳридаги бошланғич мактабнинг икки нафар бошланғич синф ўқувчиси ( ўғил ва қиз)ни  машинасига ўтқазиб, уларга жинсий тажовуз қилган.

Аниқланишича, гумонланувчи йўл кўрсатишларини айтиб, ўқувчиларни алдаган. Ўқувчилар автомашинадан тушиб, мактабга борган ва бу ҳақда ўқитувчисига хабар берган. Шундан сўнг полиция гумонланувчининг шахсини аниқлаган ва уни шошилинч равишда ҳибсга олган. Ҳозирда тергов ишлари давом этмоқда.

Жанубий Корея Жиноят кодексига кўра, жинсий зўравонлик учун 3 йилдан умрбодгача қамоқ жазоси берилиши мумкин. Агар жабрланувчи 13 ёшдан кичик бола бўлса, минимал жазо муддати 10 йилни ташкил этади.

• Janubiy Koreya
• Жиноят
• Ўзбекистонлик
• zo‘ravonlik