Ўзбекистонда исломий молия инструментларини жорий этиш бўйича Қонунчилик палатаси томонидан “Исломий банк фаолияти тўғрисида”ги қонун лойиҳаси кўриб чиқилмоқда.

Марказий банк раиси ўринбосари Аброрхўжа Турдалиевнинг маълум қилишича, янги қонунга асосан, мамлакатда исломий банк фаолиятини амалга ошириш учун махсус лицензия жорий этилади. Бу лицензия орқали янги исломий банкларни очиш ёки мавжуд анъанавий банклар таркибида “исломий дарча”лар ташкил этиш имконияти яратилади.

Мазкур ташаббус Ўзбекистон банк-молия тизимида муҳим ўзгаришлардан бири сифатида баҳоланмоқда. Экспертлар фикрича, исломий банк фаолиятининг жорий этилиши мамлакатда молиявий хизматлар турларини кенгайтириб, аҳоли ва бизнес учун янги имкониятлар эшигини очади.

• Bank
• Молия