ФИФА миллий терма жамоаларнинг навбатдаги рейтинг янгиланган кўрсаткичларини эълон қилди. Унга кўра, Испания терма жамоаси Аргентинани ортида қолдириб, дунё рейтингида биринчи ўринга чиқди.

Ўзбекистон миллий терма жамоаси учун ҳам ижобий янгилик бор: жамоа бир поғона юқорилаб, 54-ўринни эгаллади. Бундан ташқари, Ўзбекистон Осиё қитъасидаги жамоалар орасида 6-ўринда қайд этилган. Умумий очколар сони 1453.31 ни ташкил этади, бу кўрсаткич билан Ўзбекистондан бир поғона юқорида турган Қатар терма жамоаси (53-ўрин) 1453.65 очко тўплаган.

Осиёда Ўзбекистондан юқорида турган жамоалар қуйидагилар:

Япония – 19-ўрин

Эрон – 21-ўрин

Жанубий Корея – 23-ўрин

Австралия – 25-ўрин

Қатар – 53-ўрин

Марказий Осиё минтақасида эса Ўзбекистон миллий терма жамоаси мутлақ етакчи ҳисобланади. Қолган мамлакатлар орасидаги рейтинг қуйидагича:

Тожикистон – 102-ўрин

Қирғизистон – 106-ўрин

Қозоғистон – 118-ўрин

Туркманистон – 138-ўрин

Бу натижалар Ўзбекистон миллий терма жамоасининг сўнгги вақтлардаги барқарор ўйинлари ва халқаро майдондаги фаол иштирокининг самарасидир.

• FIFA
• Футбол
• терма жамоа