“Исроил Мудофаа вазирлиги лазер асосидаги “Темир нур” ҳаво ҳужумидан мудофаа тизими яқин ойларда фойдаланишга топширилишини билдирди”, – дея хабар бермоқда The Jerusalem Post.

Узоқ масофали лазерли қурол тизими Исроил жанубида бир неча ҳафта давомида синовдан ўтказилган. Бу турдаги қурол ёрдамида ракеталарни, миномёт снарядларини ва турли дронларни тутиб қолиш мумкинлиги айтилмоқда.

“Юқори қувватли лазер тизими Исроилда мавжуд ракетага қарши мудофаа тизимларига қараганда анча арзон”, – деб ёзмоқда нашр.

Исроил аввал ҳам қисқа масофали ва паст қувватли лазерли ҳаво мудофаа тизимларидан фойдаланган. Лазер қуроллари ҳозирда АҚШ, Россия ва Буюк Британия каби дунёнинг турли давлатларида фаол ишлаб чиқилмоқда ёки аллақачон қуролланишга қабул қилинган.

• Isroil
• Мудофаа
• Raketa
• дрон
• hujum