Ўзбекистон Республикаси Президентининг 2022 йил 30 апрелда қабул қилинган "Ички туризм хизматларини диверсификация қилишга оид қошимча чора-тадбирлар тўғрисида"ги қарори ижросини таъминлаш мақсадида Туризм ва маданий мерос вазирлиги ҳамда Қашқадарё вилояти ҳокимлиги томонидан жорий йилнинг 8-12 август кунлари "Ёшлар туризми" қурултойи ўтказилмоқда.

Қурултойнинг илк кунида, яъни 8 август куни бир қатор журналист ва блогерлар иштирокида саёҳат уюштирилди. Саёҳат Шаҳрисабз шаҳридаги тарихий ёдгорликлар, бетакрор табиат қўйни, илмий тадқиқот марказларида ташкил этилди.

Дастлаб, Шаҳрисабз шаҳрида жойлашган Амир Темур майдонидаги ҳунармандлар кластерига борилди.

Шундан сўнг, Оқсарой мажмуасига ташриф буюрилди ва у ердаги тарихий ёдгорликлар ўрганилди.

Саёҳат давомида "Амир Темур дахмаси" ёдгорлиги ҳам зиёрат этилди.

Илк кунги саёҳатнинг сўнгги қисми Китоб обсерватория комплексида ўтказилди. У ерда 1975- йилларда ясалган улкан телескоплар орқали дастлаб Ой, сўнгра Сатурн сайёрасини намойиш этишди.

• Шаҳрисабз
• саёҳат