Ўзбекисто миллий ахборот агентлигининг берган хабарига кўра, жорий йил “Капиталбанк” АТБдан олинган кредитнинг ойлик тўловлари доимий равишда тўланмай келингани боис фуқарога нисбатан мажбурий ижро чораси кўрилган. Бунда фуқаролик ишлари бўйича Миробод туманлараро судининг ижро варақасига асосан қарздор А.Т.дан ундирувчи “Капиталбанк” АТБ фойдасига 66 млн. 55 минг сўм қарздорлик ундириш тўғрисидаги ижро ҳужжати чиқарилган. Ижро ҳужжати асосида бюронинг Сергели туман бўлими давлат ходими Ш.Эргашев томонидан олиб борилган мажбурий ижро ҳаракатлари давомида қарздорга тегишли Spark русумли автотранспорт воситаси электрон онлайн ауксионга қўйилган. Шунингдек, моддий зарарни ўз вақтида тўламаган қарздорнинг автотранспорт воситаси хатланган.

Бюро иш юритувидаги ижро ҳужжатлари юзасидан мажбурий ижро ҳаракатларига киришишдан аввал қарздорга 15 кунгача бўлган ихтиёрий муддат берилади. Ижро ҳужжати талабларини ихтиёрий муддатда бажармаган қарздорга нисбатан мажбурий ижро чоралари кўрилади. Шундай чоралардан бири қарздорнинг мол-мулкини хатлашдир.

Яна бир қарздор бир фуқародан олган қарзини огоҳлантиришларга қарамасдан узоқ вақтдан буён қайтаришдан бош тортиб келган. Бу иш юзасидан Мажбурий ижро бюросининг Миробод туман бўлими иш юритувидаги жиноят ишлари бўйича Мирзо Улуғбек туман судининг ижро варақаси тақдим этилган. Сўнгра қарздор Д.П.дан ундирувчи У.Х. фойдасига 50 млн. 597 минг сўм моддий зарар ундириш тўғрисидаги ижро ҳужжати юзасидан фуқародан Spark русумли автотранспорт воситаси давлат ижрочиси З.Жаҳонгиров томонидан тегишли тартибда хатланиб, жарима майдончасига жойлаштириб реализация қилиш чоралари кўрилмоқда.

• Автомобил
• Жарима
• Кредит
• МИБ
• Спарк
• Суд