ПСЖ ҳужумчиси Лионел Месси Саудия Арабистони ва АҚШ клубларидан келиб тушган таклифларни рад этди.
Бу ҳақда журналист Луис Маскаро хабар берган. Қайд этилишича, Мессида иккита йўл қолган – парижликлар билан шартномани узайтириш ёки “Барселона”га қайтиш.
Ҳужумчини Испания жамоасига қайтариш варианти сўнгги бир неча ҳафта ичида жуда кўп муҳокама қилинмоқда.
Маълум қилинишича, клуб 21 йил “кўк-анорранглилар” шарафини ҳимоя қилган футболчини жамоага қайтаришга жиддий бел боғлаган.
Мессининг ПСЖ билан шартномаси мавсум охирида тугайди, шунинг учун молиявий муаммоларга дуч келаётган “Барселона” фақат Мессининг шахсий шартномаси билан шуғулланиши керак.
Маълумот ўрнида, Лионел Месси жорий мавсумда Париж клуби сафида 35 ўйинда 20 та гол урди ва 18 та голли узатмани амалга оширди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!