Статистик маълумотларга кўра, Литвада болалар сони камайиб бормоқда, ҳудудларда мактаблар ва болалар боғчалари ёпилмоқда. Бу муқаррар равишда меҳнат бозорига таъсир қилади.

Мутахассисларнинг таъкидлашича, жамиятнинг қариши аллақачон бизнесга ўз таъсирини ўтказмоқда ва келажакда бу таъсир янада кучаяди. Меҳнатга лаёқатли ёшдагилар сонининг камайиши аллақачон мавжуд муаммо - бу нафақат компаниялар, балки давлат ҳаётига ҳам таъсир қилади. Соғлиқни сақлаш ва ижтимоий ҳимоя тизимига кўпроқ маблағ талаб этилади, ёшлар эса камроқ бўлади.

Литва Саноатчилар конфедерацияси президенти Видмантас Янулевичюс ишчилар етишмаслиги туфайли корхоналарнинг тўлиқ қувват билан ишлаши қийин ва барча буюртмаларни бажариш имкони йўқлигини айтди.
Янулевичюснинг фикрича, пенсия ёшидаги, ҳали ҳам ўзини кучли ва меҳнатга лаёқатли ҳис қиладиган, бирор нарсага эга бўлишни хоҳлайдиган одамлар меҳнат бозорида қолиши керак.

• Litva