“Икки фаластинлик маҳбус Исроил қамоқхоналарида вафот этди”, – дея хабар беради Фаластин маҳбуслар билан ишлаш ташкилоти.

Қўшма баёнотда Фаластин маҳбуслар комиссияси ва Фаластин маҳбуслар жамияти ишғол қилинган Ғарбий соҳилда Наблусдан 61 ёшли Сами Аливи ва Ғазолик 44 ёшли Анвар Аслимнинг ўлимини тасдиқлади.

2023 йил 21 октябрдан бери ҳибсда бўлган Аливи 2024 йил 6 ноябрда Рамла қамоқхона клиникасидан Исроилнинг Саверофф касалхонасига кўчирилганидан олти кун ўтиб, Аслим эса пайшанба куни вафот этган.

Фаластин ўлимларни қоралаб, буни, “Исроил қамоқхоналари тизимли сиёсати”нинг бир қисми деб атади.

ХАМАС Исроил қамоқхоналаридаги фаластинлик маҳбусларни ҳимоя қилиш учун зудлик билан чоралар кўришни талаб қилади.

Аливи ва Аслимнинг вафотини қўшиб ҳисоблаганда 1967 йилдан бери Исроил қамоқхоналарида вафот этган фаластинлик маҳбуслар сони 280 тага етди, яна ўнлаб одамларнинг шахсияти ва ўлим сабаблари Исроил ҳукумати томонидан ошкор қилинмайди.

Фаластин томон берган маълумотларга кўра, 2023 йил 7 октябрдан бери Исроил қамоқхоналарида камида 43 маҳбус вафот этган. Ноябрь ойи бошида олинган маълумотларга кўра айни пайтда Исроил қамоқхоналарида 10 200 дан ортиқ фаластинлик маҳбуслар мавжуд.

• Фаластин
• Isroil