Исроил ҳарбийлари Ғазодаги “Камол Адван” шифохонасини мунтазам равишда кучли ўққа тутиши оқибатида унинг биноси бутунлай вайрон бўлган.

Ёнғиндан чиққан тутун атрофни қамраб олгани сабабли беморлар ва шифохона ходимларини эвакуация қилиш жараёни қийинлашган. Ёнғин катта ҳудудга ёйилиши натижасида бир қанча тиббиёт ходимлари унинг ичида қолиб, ҳалок бўлган.

Мазкур шифохона директори, доктор Ҳуссам Абу Сафие ва яна 180 нафар ходим Исроил кучлари томонидан асирга олинган. Уларнинг қаердалиги ҳозирча номаълум бўлиб қолмоқда.

Ҳарбийлар беморлар ва ходимларни мажбуран эвакуация қилган. Аёл шифокорлар қуролли таҳдид остида барча талабларга бўйсунишга мажбур бўлган, эркаклар эса ҳибсга олинган.

• Фаластин
• G‘azo
• Isroil
• Уруш
• shifoxona