Фаластин асирлари ишлари бўйича комиссияси Исроил қамоқхоналарида 270 нафар фаластинлик боланинг қўлга олингани ҳақидаги маълумотларни баён қилди. Ушбу хабар Халқаро болаларни ҳимоя қилиш кунида эълон қилинган.

“Фаластин ҳукумати камида 270 нафар болани ҳибсга олган ва олишда давом этмоқда, уларнинг аксарияти Офер ва Мегиддо қамоқхоналарида”, – дейилади комиссия баёнотида. Бироқ бу рақам Исроил армияси томонидан Ғазо секторидаги лагерларда ушлаб турилган вояга етмаганларни ўз ичига олмайди.

Ташкилот маълумотларига кўра, қамоқхона маъмурлари томонидан болаларга нисбатан кўплаб зўравонлик ҳолатлари, жумладан калтаклаш ва қийноқлар қайд этилган. 7 ноябрь куни Кнессет 14 ёшгача бўлган фаластинлик болаларни қамоққа олишга рухсат берувчи қонунни қабул қилган.

Бирлашган Миллатлар Ташкилотининг хабар беришича, 2008 йилдан 2023 йил 6 октябригача 1434 фаластинлик бола ҳалок бўлган, яна 32 175 нафари яраланган, асосан Исроил аскарлари қўлида, 2000 йилдан 2023 йилгача 13 минг фаластинлик бола қамоқда бўлган.

Бирлашган Миллатлар Ташкилотининг Фаластин ҳудудидаги инсон ҳуқуқлар ҳолати бўйича махсус маърузачиси Франческа Албанесе: “Фаластинлик болаларнинг бутун авлодлари, қамалда бўлган Ғазо секторида, Ғарбий Соҳил анклавларида ёки аннексия қилинган Шарқий Қуддусда бўладими, уларнинг ҳаёти жуда оғир даражада.”

• Болалар
• Фаластин
• Isroil