Ливия халқ армияси (ЛХА) намойишчиларни қўллаб-қувватлаб, улар томонига ўтди. Бу ҳақда ЛХА расмий вакили Аҳмад ал-Мисмарийга таяниб, “ТАСС ” хабар берди.
Қайд этилишича, Ливия халқ армиясининг бош қўмондонлиги халқ иродаси ва фуқаролар талабларини қўллаб-қувватлашини эълон қилади”, - деди ал-Мисмарий. Унинг сўзларига кўра, қўмондонлик Ливия инқирози шароитида қонуний талабларни ифодаловчи халқ ҳаракатига эргашади.
ЛХА вакили таъкидлашича, Ливия қуролли кучлари “халқни тушкунликка солиб қўймайди ва уларни шантаж ҳамда аралашувга қарши ҳимоясиз қолдирмайди”. У армия халқни “нажот ва тинчлик, барқарорлик ва фаровонлик келажагига ўтиш режасини танлаганида” ҳимоя қилишига ваъда берди.
Шу билан бирга, ал-Мисмарий мамлакат фуқароларини тинч йўл билан намойишлар ўтказишга чақирди. Шунингдек, у таъкидлаганидек, ливияликлар фуқаролик давлати қуриш сари ҳаракат қилиш учун мамлакатни “аччиқ ҳақиқат ва мавжуд вазиятнинг бемаънилигидан” қутқариш бўйича йўл харитасини ишлаб чиқиши керак.
Маълумот учун, жорий йилнинг, 1-июл куни Ливиянинг қатор шаҳарларида норозилик намойишлари бўлиб ўтди. Ливия пойтахти Триполи аҳолиси кўчаларга чиқиб, ҳокимиятни тарқатиб юбориш, мамлакатда фавқулодда ҳолат эълон қилиш, электр таъминотидаги инқирозни бартараф этиш, президентлик ва парламент сайловларини тезлаштиришни талаб қилди. Шу куни намойишчилар Тобрук шаҳридаги парламент вакиллар палатаси биносига бостириб киришди . Намойишчилар офислар, қабулхоналар ва меҳмон уйларини ёқиб юборган, ҳужжатларни йўқ қилган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!