Лондон полицияси бугун бўлиб ўтадиган Фаластинни қўллаб-қувватлаш митингида тартибни сақлаш учун Британия пойтахти кўчаларида 1 мингдан ортиқ полицияни жойлаштирган.

“Биз бугун Фаластин учун маршда ўз овозларини билдириш мақсадида Лондон марказига минглаб одамлар келишини кутамиз”, - дейилади полиция баёнотида.

“Маршда мингдан ортиқ полициячи навбатчилик қилади, улар бутун пойтахт бўйлаб стюардлар (оммавий тадбирлар ташкилотчиларига ёрдам берувчи ходимлар) ва ташкилотчилар билан биргаликда ишлайди”, - дея қўшимча қилган Лондон полицияси.

Шу билан бирга, намойишчилар ХАМАСни қўллаб-қувватловчи байроқ кўтарса ҳибсга олинишидан огоҳлантирилган, чунки бу ташкилот 2021 йил ноябрида бутунлай тақиқланган ва Буюк Британияда террорчи деб тан олинган.

ХАМАСга тегишли бўлиш ёки ушбу ташкилотни қўллаб-қувватлашга қаратилган оғзаки ёки оғзаки бўлмаган ҳар қандай чақириқлар 14 йилгача қамоқ жазоси билан жазоланиши мумкин бўлган жиноят ҳисобланади.

• Буюк Британия
• Фаластин
• Isroil
• Лондон
• Намойиш
• Уруш