Лондоннинг марказидаги машҳур Лестер майдони яқинидаги Ковентри-стрит мусулмонларнинг муқаддас Рамазон ойи шарафига биринчи марта 30 минг лампочкадан иборат чироқлар концепцияси билан ёритилди. Бу ҳақда Британия радиоэшиттириш корпорацияси ББC тадбир ташкилотчиси Аиша Десайга таяниб хабар берди.

Шаҳарнинг туристик диққатга сазовор жойларидан бири бўлган кўчада чироқлар билан “Рамазон ойи муборак” деб ёзилган.

Мусулмон ташкилотлари ва халқнинг хайр-эҳсонлари билан қилинган Рамазон чироқлари концепцияси Рождество чироқларидан илҳомланган Айше Десаи томонидан тайёрланган.

"Мен синглим билан Рождество чироқларини томоша қилганимни эсладим. Бу менга ёққан эди. Мен Яқин Шарқда яшаганман ва [Рамазоннинг] қувончи ва сеҳрини Лондонга олиб келишни хоҳлардим",– деди Десаи.

Ташкилотчининг сўзларига кўра, у бу иши орқали Лондон аҳолисини муқаддас мусулмон ойи билан “яқинроқ таништириш”га ҳам интилган.

Чироқлар Лондоннинг 1,3 миллион мусулмонларидан бири Лондон мери Садиқ Хон томонидан ёқилди.

Лондонликлардан ташқари хорижлик сайёҳлар ҳам кўчадаги ёритишга катта қизиқиш билдиришган.

Чироқлар бугун, 23 апрелдан бошлаб, то рамазон ойи охирига қадар ҳар куни маҳаллий вақт билан соат 17:00 дан 01:00 гача кўчани ёритади.

• Чироқчи
• Лондон
• Ramazon