Ўзбекистон Республикаси Маданият вазири Озодбек Назарбеков “Ўзбекистон” телеканалига берган интервьюсида ҳозирги даврда одамлар ҳаётида асосий ҳаракатлантирувчи куч моддий манфаатга айланиб қолганини таъкидлади.

Унинг айтишича, ҳозирда бирон-бир ишни бажаришда молиявий фойда бўлмаса, уни бажармаслик одатий ҳолга айланган. Бу ҳолат эса жамиятда илгари муқаддас саналган қариндошлик, ота-бола ёки ака-ука ўртасидаги муносабатларга ҳам таъсир кўрсата бошлаган.

Вазирнинг фикрига кўра, илгари бу каби моддий ҳисоб-китоблар яқинлар ўртасида бўлмаган, оила ва қариндошлик ришталари мустаҳкам бўлган. Аммо бугунги кунда айрим салбий иллатлар бу муносабатларга таъсир қилаётгани сезилмоқда.

• Маданият