Аввалроқ, 14 август куни кечқурун Махачкала чеккасида ёқилғи қуйиш шохобчасида портлаш содир бўлгани ҳақида хабар берган эдик.

Белорусия президенти Александр Лукашенко Россия президенти Владимир Путинга Махачкаладаги ёқилғи қуйиш шохобчасидаги портлаш натижасида кўплаб қурбонлар бўлганлиги сабабли ҳамдардлик билдирди, дея хабар беради Беларус раҳбари матбуот хизмати.

“Белорусия халқи ва ўзим номидан ўлганларнинг қариндошлари ва дўстларига самимий ҳамдардлик билдираман, барча жабрланганларга тезроқ шифо тилайман”– деган Лукашенко.

14 август куни кечқурун Махачкала чеккасида ёқилғи қуйиш шохобчаси ёниб кетди, шундан сўнг портлаш содир бўлди. Россия фавқулодда вазиятлар вазирлиги ёнғин майдони 500 квадрат метрни ташкил этганини маълум қилган. Фавқулодда вазиятлар вазирлигининг сўнгги маълумотларига кўра, 30 киши ҳалок бўлган, 75 киши жароҳатланган.

• Лукашенко
• Путин