Христиан-демократик иттифоқ етакчиси Фридрих Мерс иккинчи уринишида Германия канцлери этиб сайланди. У сайланиши учун 316 та овоз олиши керак эди. Мерс 325 та овоз олди. Шунингдек, 289 та қарши овоз берилди, биттаси бетараф қолди. 

Биринчи турда 310 та овоз олган Мерс ГФРнинг янги канцлери этиб сайланиш учун етарли овоз тўпламаган эди. Мерс Германия тарихида Бундестагдаги биринчи овоз бериш босқичида сайланиш учун керакли овозларни тўпламаган илк канцлер номзоди бўлди.

Канцлер Бундестаг томонидан сайланади. Номзод мамлакат президенти томонидан тақдим этилади ва овоз бериш парламент аъзолари ўртасида яширин ва олдиндан муҳокама қилинмасдан амалга оширилади. Сайловнинг биринчи раундида ғалаба қозониш учун номзод мутлақ кўпчилик овозларни тўплаши керак, яъни 630 депутатдан иборат умумий таркибдан камида 316 овоз.

• Германия
• Жаҳон