Ҳозир июнь-август ойигача айни малинанинг пишиқчилик мавсуми ҳисобланади. Бу даврдан фойдаланиб қолиш керак. Малинани музлатиб қўйиб, қишда фойдаланиш ҳам мумкин. Бу резавордан турли ширинликлар, мураббо, смузи, жем каби десертлар тайёрлаш мумкин. Ушбу мевада кўплаб витаминлар, минераллар, ўсимлик толалари ва антиоксидантлар мавжуд.

Малина шамоллашда ёрдам беради. Ушбу резавор суперфуд ҳисобланиб, турли касалликларнинг олдини олиш ва даволашда қўлланади. Масалан, малинадаги антиоксидантлар ва фитонутриентлар иммунитетни оширади, салитсил ва фолий кислоталари ЎРВИдан тезроқ халос бўлишга ёрдам беради. Дарвоқе, шамоллашга қарши малинали мураббодан чой тайёрлаганда уни қайноқ сувга эмас, балки ўртача иссиқликдаги сувга солиш лозим, акс ҳолда малинанинг фойдали хусусиятлари йўқолади.

Қолaверса, қандли диабетнинг олдини олади. Малина қанд касаллигига чалиниш хавфини камайтириши ва инсулин миқдорини тушириши мумкинлиги олимлар томонидан аниқланган. Малина таркибидаги марганец суяклар ва тери саломатлигини таъминлаш учун зарурдир. Шунингдек, ушбу резавордаги ўсимлик толалари 2-тоифали қанд касаллиги ривожланишининг олдини олади.

Кўз касалликларини олдини олиш учун ҳам айни муддаодир. Тадқиқотлар шуни кўрсатадики, малинада мавжуд бўлган зеаксантин номли антиоксидант кўздаги сариқ доғ дегенерацияси (кўриш қобилиятининг ёмонлашишига олиб келадиган касаллик) ривожланиш хавфини камайтиришга ёрдам беради. Малинадаги C витамини катаракта (кўз гавҳарининг хира тортиши)дан ҳимоя қилади.

Шунингдек, овқат ҳазм қилишга ёрдам беради. Малина ўсимлик толаларига бой мева бўлиб, 100 грамм маҳсулот 6,5 грамм клетчаткани ўз ичига олади. Улар ошқозон-ичак саломатлигини яхшилайди, қабзиятнинг олдини олади ҳамда ичакларда фойдали бактерияларнинг кўпайишига ёрдам беради.

• саломатлик