“Касперский лабораторияси” 2023 йил ва 2024 йилнинг биринчи чораги учун МДҲ мамлакатларига кибертаҳдидлар бўйича ҳисоботини эълон қилди.

Ҳужумларнинг асосий қисми тожикистонлик фойдаланувчиларга (60,69 фоиз) қилинган. Ундан кейин Беларус (59,79 фоиз), Туркманистон (59,55 фоиз) ва Ўзбекистон (58,74 фоиз).

Мамлакатимиздан кейинги ўринларда Қирғизистон (57,21 фоиз), Қозоғистон (54,62 фоиз) ва Россия (51,86 фоиз), Озарбайжон (49,73 фоиз) ва Арманистон (44,21 фоиз) бормоқда.

Ҳисоботда, шунингдек, тез-тез киберҳужумларга дучор бўладиган фаолият соҳалари ҳам аниқланган. Биринчи учликка молия (28 фоиз), қурилиш (24 фоиз) ва ишлаб чиқариш (14 фоиз) кирди.

Ҳисобот муаллифлари, шунингдек, аксарият мамлакатларда ҳужумлар сони 2023 йил охирига келиб кўпайгани, 2024 йил бошида эса кескин камайганини маълум қилишди.

• Ҳисобот
• Киберхавфсизлик