Жаҳон соғлиқни сақлаш ташкилоти расмий вакили Маргарет Ҳаррис одам метапневмовирусига (HMPV) оид мавжуд маълумотлар билан бўлишди.

Ҳаррис Хитойда қайд этилган респиратор инфекциялар даражаси қиш мавсуми учун одатий диапазонда эканини таъкидлаган. Маълум қилинишича, шифохоналарнинг беморлар билан тўлганлик даражаси ўтган йилнинг шу даврига нисбатан солиштирганда анча паст кўрсатгичда. Ҳозирча фавқулодда вазият ҳақида бирор-бир мурожаат ёки жавоб чоралари ҳақида маълумот келиб тушмаган.

ЖССТ метапневмовирус янги вирус эмаслигини таъкидламоқда. У дастлаб, 2001 йилда аниқланган, қишда ва баҳорда айланиб юрадиган кенг тарқалган вируслар қаторига киради. Одатда, у шамоллашга ўхшаш респиратор аломатларни келтириб чиқаради. Баъзи ҳолларда бу бронхит ёки пневмония каби оғирроқ касалликларга олиб келиши мумкин. Ёш ва кексалар, шунингдек, иммунитети заифлашган инсонлар вируснинг асосий “ўлжа”си ҳисобланади.

• ЖССТ
• Вирус
• Хитой