Ҳиндистоннинг Мумбай шаҳри Осиёнинг янги “бой пойтахти”га айланди.

“Nikkei Asia” ахборот агентлиги Шанхайда жойлашган Ҳурун тадқиқот институти маълумотларига асосланиб эълон қилган ҳисоботга кўра, 92 миллиардерга эга Мумбай Пекинни ортда қолдириб, Осиё қитъасидаги энг кўп миллиардерга эга шаҳарга айланди.

Ушбу маълумотларга кўра, Нью-Йоркда 119 миллиардер, Лондонда эса 97, Мумбай 92 миллиардер билан дунёда учинчи ўринда туради.

Ҳиндистонда атиги 271 миллиардер бор. Мумбай иқтисодиёти 2023 йилда 7,5 фоизга ўсган.
Мамлакатлар бўйича баҳоланадиган бўлса, Хитой 814 миллиардер билан рўйхатда биринчи ўринда туради. Уларнинг сони 2022 йилга нисбатан 155 кишига камайгани қайд этилган.
Қўшма Штатлар миллиардерлар рейтингида 800 миллиардер билан иккинчи ўринда туради.

- Сунъий интеллект ва ахборот технологиялари соҳалари АҚШ иқтисодиётида етакчига айланди

АҚШнинг чип ишлаб чиқарувчи “Нвидиа” бош директори Женсен Хуанг 48 миллиард доллар бойлиги билан рўйхатнинг биринчи 30 талигига кирди.

Google, Meta ва Microsoft эгаларининг бойлигида эса сезиларли ўсиш кузатилган.

Технологик соҳадаги бойликнинг ўсишидан ташқари, америкалик қўшиқчи Тейлор Свифтнинг бойлиги 1,2 миллиард долларгача ошгани эътиборга молик.

• Mumbay
• миллиардерлар