Мусиқа инсоннинг руҳий ҳолатини яхшилаб, унинг соғлигини мустаҳкамлаши исботланган. Бундан ташқари, мусиқа бизнинг IQ даражамизни ошириши ҳамда онгимизнинг ўткирроқ бўлишига ҳам ёрдам беради.

Ушбу мақолада нима учун кўпроқ мусиқа тинглаш кераклиги ҳақида 8 та илмий далил келтирилади.

Мусиқа сизни янада бахтли қилади. Ўтказилган тадқиқот натижаларига кўра, мусиқа тинглаш инсон миясида бахт гормонлари — дофамин ишлаб чиқаришини оширади.

Югуриш самарадорлигини оширади. Шўх ва мотивацион мусиқаларни тинглаб югурувчилар сокин мусиқа эшитувчиларга қараганда 800 метр кўпроқ масофани босиб ўтгани исботланган. Агар сиз югуришга қизиқсангиз, ўз қобилиятингизни яхшилаш учун мусиқа тингланг.

Стрессни камайтиради ва саломатликни яхшилайди. Мусиқа тинглаш стресс гормони даражасини пасайтириши мумкин. Тадқиқот шуни кўрсатдики, одамлар турли зарбли чолғу асбобларини чалиш ва қўшиқ айтиш орқали мусиқа яратишда фаол иштирок этганларида иммунитет тизими кучаяди.

Агар стрессга тушсангиз, сизни тинчлантиришга ёрдам бериш учун радиони ёқинг ва қўшиқ ҳиргоя қилишни ҳам унутманг.

Яхши ухлашга ёрдам беради. Ётишдан олдин 45 дақиқа давомида тинчлантирувчи классик мусиқа тинглаган талабалар аудиокитоб билан ухлаган ёки умуман ҳеч нарса тингламаганларга қараганда анча яхши ухлашади.

Депрессияни камайтиради. Дунё бўйлаб 350 миллиондан ортиқ одам депрессиядан азият чекмоқда ва уларнинг 90 фоизи уйқусизликдан қийналади. Тадқиқотлар шуни кўрсатдики, депрессия белгилари классик мусиқани тинглаганларда сезиларли даражада камаяди.

Бу борада сизга мумтоз ёки медитатив мусиқа тинглаш тавсия этилади.

Машина ҳайдаш пайтида кайфиятингизни кўтаради. Кўпчилик машина ҳайдаётганда радио тинглашни хуш кўради. Бу бежиз эмас. Чунки мусиқа ҳайдовчига диққатни жамлашга ёрдам беради.

Хотирани мустаҳкамлайди. Тадқиқотчилар мусиқа маълумотни яхшироқ ўрганиш ва эслаб қолишга ёрдам беришини аниқладилар. Дарс жараёнида мусиқа тинглаган иштирокчилар янги маълумотларни яхшироқ ўрганган ва синовларда ижобий натижаларга эришган.

Демак, мусиқа инсоннинг билим ва хотирасини мустаҳкамлашга ҳам ёрдам берар экан.

Оғзаки нутқни ривожлантиради. Тадқоқтларга кўра, 4 ёшдан 6 ёшгача бўлган болалар бир ойлик мусиқа дарсларидан сўнг 90 фоиз сўзларни тушуниши ва уларнинг маъносини англаш қобилияти сезиларли даражада яхшилаган.

• Aql
• Мусиқа
• саломатлик