Жорий йилнинг 16 июль куни соат 19:30 да Наманган вилояти шошилинч тез-тиббий ёрдам марказининг берган хабарига кўра, шу куни соат 18:47 да, Янгиқўрғон тумани “Баркамол” маҳалласида яшовчи, 1968 йилда туғилган фуқаро А.О. ўзига тегишли бўлган қорамолларни бошқа ҳудуддаги ер участкасидан яшаш уйига олиб келаётган вақтда, яшаш уйи олдида ўйнаб юрган 2023 йилда туғилган Х.Р. ва уни ҳимоя қилмоқчи бўлган онаси 1989 йилда туғилган фуқаро А.Д.ларни сузиб, тан жароҳати етказган.  Бу ҳақда Наманган вилояти ИИБ ахборот хизмати хабар берди.

Янгиқўрғон туманлараро суд тиббий экспертизасининг 2025 йил 22 июлдаги хулосасида фуқаро А.Д.га ўртача оғир ва вояга етмаган Р.Х. га енгил тан жароҳати етказилганлиги кўрсатилган.

Республика шошилинч тиббий ёрдам илмий марказ Наманган филиалининг берган маълумотига кўра, жабрланувчиларга 18 июлда яшаш уйига рухсат берилган ва улар ҳозирда яшаш уйида амбулатор шароитда даволанмоқда.

Ҳозирда мазкур ҳолат юзасидан Янгиқўрғон тумани ИИБ томонидан терговга қадар текширув ўтказилмоқда. 

• ИИБ
• Наманган
• shifoxona