Пойтахтда “Тошшаҳартрансхизмат” ҳаракат таркибини янгилаш мақсадида ХХРдан келтирилган 202 дона янги электробусларни қабул қилди.

Пойтахт жамоат транспорти тизимини ривожлантириш, экологик тоза ва энергия тежамкор транспорт воситаларини жорий этиш мақсадида Yu компаниясида ишлаб чиқарилган 202 дона замонавий электробусларнинг рамзий калити “Тошшаҳартрансхизмат” АЖ раҳбарига топширилди.

Бугунги кунда жамият томонидан 163 та автобус йўналишида, шундан 92 таси боғловчи, 14 таси ҳалқа, 11 таси магистраль, 46 таси етказиб берувчи йўналишларда кунига 1 556 та автобус қатнамоқда. Уларнинг ўртача оралиқ интервали 10–12 дақиқа, кунлик қатновлар сони эса 22 318 маротабани ташкил этади.

2030 йилгача бўлган ривожланиш стратегиясига мувофиқ, жами 1 200 дона электробус харид қилиниши режалаштирилган бўлиб, бунинг натижасида жамоат транспорти паркидаги электробуслар улуши 50 фоиздан 63 фоизгача етади.

• Автобус
• Тошшаҳартранс
• Хитой