Сурхондарё вилояти Қумқўрғон тумани ҳокими ўринбосари Нигора Жумаева аёлларни пахта теримига мажбуран жалб қилгани учун жаримага тортилди. Аудиоёзувда у ҳар бир фаолдан камида икки аёлни теримга олиб чиқишни талаб қилгани аниқланган. Расмийлар аввал аёллар “кўнгилли” чиққанини айтган бўлса-да, Камбағалликни қисқартириш ва бандлик вазирлиги бу ҳолатни мажбурий меҳнат деб баҳолади.

Жумаева 20,6 млн сўм жаримага тортилди. Шунингдек, Бухорода ҳам шунга ўхшаш ҳолат бўлиб ўтгани айтилди. Мавсум давомида 74 та меҳнат қонунбузилиши ҳолати аниқланган, 8 нафар мансабдор жаримага тортилган.

Эслатиб ўтамиз, аввалроқ, Сурхондарё пахта режасини биринчи бўлиб бажарган вилоят бўлгани эди.

• Пахта
• Сурхондарё