Chery автомобиль брендининг Ўзбекистондаги расмий дистрибьютори ҳисобланган ADM Global компаниялар гуруҳи томонидан ташкил этилган тадбир “Зўр ТВ” телеканалининг Renaissance Hall залида бўлиб ўтди ва автомобилсозлик соҳаси вакиллари, ҳамкорлар, блогерлар ва бренд мухлисларини жамлади. Тақдимот технология, ёрқинлик, мусиқа ва ҳис-туйғуларни бирлаштирган ҳақиқий шоуга айланди.

Меҳмонларни фотосурат майдонлари, кўзгули йўлаклар ва интерактив инсталляциялардан иборат неонли муҳит кутиб олди. Кечага ДЖ-сетлар, акробатик саҳналар ва “Reginight” жамоасининг рақс чиқишлари ҳамроҳлик қилди ҳамда чироқлар шоуси остида янги Chery Arrizo 8 Hybrid моделининг ёрқин очилиши билан якунланди. Машҳур халқаро “Morandi” гуруҳи тадбирнинг хедлайнери бўлиб, унинг чиқиши кечанинг ёрқин якуни бўлди ва ушбу тадбирга байрамона кайфият бағишлади.

ADM Global бош директори Дониёр Давлетияровнинг таъкидлашича:

“ADM Jizzakh заводида биринчи Chery гибрид автомобилининг ишлаб чиқарилиши корхонамиз ривожланишида муҳим босқич сифатида намоён бўлди. Бу ишлаб чиқариш жараёнларини жиддий модернизация қилиш ва янги технологияларни жорий этиш натижасидир.

Биз Ўзбекистон автомобилсозлик саноатининг экология, инновация ва сифатга йўналтирилган глобал трансформациясининг бир қисмига айланаётганидан фахрланамиз. Бизнинг келажагимиз — бу янги технологиялар, янги бозорлар, янги имкониятлар.

Бизнинг асосий устувор вазифамиз — кадрларни ривожлантириш. Бизга 2000 дан ортиқ муҳандислар зарур бўлади ва биз истиқболдаги мутахассисларини тайёрлаш учун ўз R&D марказимизни яратишга фаол инвестицияларни киритмоқдамиз.

Бизнинг кейинги босқичимиз — CKD PHEV/IYoD (ички ёнув двигатель)ни ишга тушириш: анъанавий ва гибрид технологияларни мужассамлаштирган платформаларни бирлаштириш”.

Ўз навбатида, ADM Global компаниялар гуруҳи таъсисчиларидан бири Мурод-Мирзо Шарипов сўзларига кўра, “Ўзбекистон бугунги кунда инвестициялар ва юқори технологияли лойиҳалар учун қулай шароитлар яратиб, жадал ривожланмоқда. Ишонамизки, Arrizo 8 Hybrid'ни ишга тушириш каби ташаббуслар нафақат Chery ва ADM Global’нинг мавқеини мустаҳкамлайди, балки технологиялар ва барқарорлик ёнма-ён бўлган истиқболни шакллантириб, мамлакатнинг бутун автомобиль саноатини ривожлантиришга ҳисса қўшади”.

“Arrizo 8 Hybrid тақдимоти Ўзбекистонда Chery учун янги даврнинг бошланишидир. Бу ADM Jizzakh заводида ишлаб чиқарилган бренднинг биринчи гибрид автомобили бўлиб, янада экологик тоза ва интеллектуал технологияларга ўтиш тимсоли сифатида бўлади, — деди Chery Uzbekistan директори Пер-Эли Долуа. — Биз Ўзбекистон — ёш, динамик, инновацияларга очиқ жамиятга эга мамлакат жадал ривожланаётганини кўриб турибмиз. Ва биз бу тараққиётга бўлган интилишни биргаликда баҳам кўрамиз. Chery Arrizo 8 Hybrid бизнинг келажак ҳақидаги тасаввуримиз: маҳаллий бозор учун махсус яратилган қудрат, самарадорлик ва рақамли ечимларнинг уйғунлигини ўзида мужассам этади. Бу нафақат компаниямиз, балки бутун мамлакат автомобилсозлик саноати учун олдинга ташланган қадамдир”.

Қувват ва интеллект бир кузовда мужассам

Янги Chery Arrizo 8 Hybrid бренд фалсафасининг тимсолига айланди — услуб, интеллект ва экологик технологияларни бирлаштиради. Ушбу олд ғилдиракли автомобиль энг юқори қуввати 347 от кучига эга 1,5 литрли замонавий турбинали куч агрегати (PHEV) ҳамда 1DHT махсус гибридли трансмиссия билан жиҳозланган. Мазкур автомобиль 100 км/соат тезликка 7,3 сонияда эришади ва электр тортиш кучининг ўзида 125 км ёки атиги 3,9 л/100 км билан ўртача сарфда Ўзбекистоннинг ҳақиқий йўл шароитларида 1463 км гача ҳаракатлана олади.

Бежирим дизайнга 18 дюймли енгил қотишмали дискалар, LED оптика ва панорамали том қисми қўшилган бўлиб, интерьер технология жиҳатдан замонавийлик ва қулайликни ўзида мужассам этган: рақамли қурилмалар панели ва 12,3 дюймли мультимедиа-дисплей, 12 дона динамикларга эга SONY аудио тизими, жумладан, сабвуфер, ўриндиқлар вентиляцияси, икки ҳудудли иқлим-назорати ва AQS ҳаво тозалаш тизими. Шуни ҳам таъкидлаш керакки, мультимедиа тизими Ўзбекистон бозорига тўлиқ мослаштирилган бўлиб, ўзбек ва рус тилларида мавжуд.

Замонавий хавфсизлик ва қулайлик

Arrizo 8 Hybrid’да хавфсизликка алоҳида эътибор қаратилган. Седан ўнта хавфсизлик ёстиқчалари, шу жумладан ҳайдовчи ва олдинги йўловчи учун тизза ёстиқчалари — бу ўз туркумидаги мавжуд бўлган энг юқори даражадаги ҳимоя билан жиҳозланган.

Гибрид тизим батареяси IP68 юқори зичлик тоифасига эга, чанг ва намликка чидамли ва сувга тўлиқ ботишга бардош бера олади. Тўқнашув содир бўлганда, юқори кучланишли электр таъминоти атиги 2 миллисекундда узилади ва қисқа туташув хавфини бартараф этади.

Энергия ютувчи қатламларга эга мустаҳкам пўлат корпус ва ҳар беш дақиқада 800 дан ортиқ текширувни амалга оширадиган интеллектуал ўз-ўзини диагностика қилиш тизими тенгсиз бўлган ҳимоя даражасини яратади.

 Мослашувчан круиз-назорати, йўл қисмида ушлаб туриш, 360° доира бўйлаб кўриш ва Автомат тарзда тормозлаш тизимлари ҳар бир сафарми ҳатто жўшқин бўлган шаҳар шароитида ҳам максимал даражада қулай ва хавфсиз қилади.

Комплектация ва нархлар

Arrizo 8 Hybrid икки хил комплектацияларда тақдим этилган:

● Люкс — 344 900 000 сўм;

● Premium — 364 900 000 сўм.

Иккала версия ҳам Chery флагман моделларига хос бўлган технология, бежирим дизайн ва юқори даражадаги жиҳозланишни ўзида мужассам этган.

Arrizo 8 Hybrid тақдимоти мамлакатдаги автомобиль йилининг энг ёрқин воқеаларидан бирига айланди ва Chery’нинг мижозларга жаҳон даражасидаги замонавий ва технологик ечимларни таклиф қилиш орқали Ўзбекистон бозоридаги мавқеини мустаҳкамлашга интилишини намоён қилди.

Chery Uzbekistan расмий саҳифалари:
Доимий алоқа телефони: +998 71 276 55 55 
Website: https://cheryauto.uz 
Instagram: https://www.instagram.com/cheryuzbekistan/ 
Телеграм: https://t.me/cheryuzbekistan 
Телеграм-бот: https://t.me/cheryuzbekistanbot 
Facebook: https://www.facebook.com/CheryUzbekistan 
YouTube: https://www.youtube.com/@cheryuzbekistan 

• Chery