Тошкент вилоятида собиқ депутат Олим Сулаймоновга жиноят иши қўзғатилди. Бу ҳақда вилоят Ички ишлар бош бошқармаси матбуот котиби Бобур Тўлаганов маълум қилди. 61 ёшли Сулаймоновга нисбатан очилган иш Жиноят кодексининг 109-моддаси (қасддан баданга енгил шикаст етказиш) 2-қисми бўйича қўзғатилган.

Тўлагановнинг ёзишича, собиқ депутат шу кунга қадар ИИО томонидан гумонланувчи тариқасида бир неча маротаба чақирув қоғози орқали расман чақирилган бўлса-да, терговга келишдан қасддан бўйин товлаб келган. Шу сабабли бугун, 14 октябрь куни Олим Сулаймонов тергов жараёнига қонуний асосда мажбурий тарзда олиб борилган.

Ҳозирда мавжуд жиноят иши юзасидан тергов ҳаракатлари давом эттирилмоқда.

• Депутат
• Жиноят