Давлат хавфсизлик хизматининг Тошкент вилояти бўйича бошқармаси ходимлари томонидан Ангрен шаҳар ички ишлар бошқармаси билан ҳамкорликда ўтказилган тезкор тадбирда эса наркотик моддаларни “закладка” тарзида тарқатиб, сотиш билан шуғулланиб келаётган Ангрен шаҳрида яшовчи, 2000 йилда туғилган шахс ўзининг 2001 йилда туғилган жиноий шеригидан 971 гр “Катинон” синтетик гиёҳвандлик воситасини қабул қилиб олган вақтида уларнинг ноқонуний ҳаракатларига чек қўйилади. Бу ҳақда ДХХ матбуот хизмати хабар берди.

Муқаддам гиёҳвандлик воситалари савдоси билан боғлиқ жинояти учун судланган мазкур 25 ёшли шахс қабул қилиб олган ажал оғусини келгусида кичик бўлакларга тақсимлаган ҳолда сотиб, мўмай даромад топишни режалаштирган.

Ҳозирда уларга нисбатан Жиноят Кодексининг 25,273-моддаси 5-қисми билан жиноят иши қўзғатилиб, тергов ҳаракатлари олиб борилмоқда.

Ушбу ҳолат бўйича гумондорларга нисбатан 10 йилдан ортиқ муддатга озодликдан маҳрум қилиш жазоси тайинланиши мумкин.

• Ангрен
• ДХХ
• Жиноят
• Toshkent viloyati