AFP’га кўра, эвакуация Франция президенти Эммануэл Макрон билан тузилган келишувдан сўнг амалга оширилган. Шу билан бирга, Франция ҳукумати Мадагаскардаги ички инқирозга аралашмаётганини маълум қилган.

Шунингдек, Мадагаскарнинг собиқ бош вазири Кристиан Нитсай ва президентнинг яқин иттифоқчиси, бизнесмен Мами Раватоманга хусусий самолётда Маврикийга учиб кетган, дейилади материалда.

Радзуэлина 12 октябрь куни “ноқонуний ва зўравонлик йўли билан ҳокимиятни эгаллашга уриниш” бўлганини билдирган эди. Унгача эса аскарлар президент истеъфосини талаб қилган норозилик намойишчилари томонига ўтганлиги маълум бўлганди.

Мадагаскарда сентябрь ойи охирида бошланган норозиликлар электр энергиясида узилишлар, тоза сувдан фойдаланишнинг қийинлиги, соғлиқни сақлаш тизимининг ёмон аҳволи ва коррупциядан норозилик билан боғлиқ.

• Эвакуация
• Fransiya
• Мадагаскар
• Президент
• Tartibsizlik