Аввалроқ, Навоий шаҳар ободонлаштириш бошқармасининг собиқ бошлиғи Юсуф Турсунов 1 миллиард 53 миллион сўм бюджет маблағларини ўзлаштиришда айбдор деб топилган эди.

Навоий шаҳар судининг 2021 йил 4 мартдаги ҳукми билан мансабдор шахс Ўзбекистон Республикаси Жиноят кодексининг 167-моддасининг 3-қисми “а” бандида назарда тутилган жиноятни содир этганликда айбдор деб топилган. Унга ойлик маошининг 10 фоизини айириб ташлаган ҳолда 2 йил 7 ой ахлоқ тузатиш ишлари жазоси тайинланганди.

Шунингдек, у 1 йил 6 ой муддатга раҳбарлик ва моддий жавобгарлик билан боғлиқ лавозимларни эгаллаш ҳуқуқидан маҳрум этилган.

Бироқ шунга қарамай, Юсуф Турсунов Навоий шаҳар ободонлаштириш бошқармаси бошлиғи лавозимига қайта тайинланди. Жорий йилнинг 21 июнь кунидаги тегишли қарорни шаҳар ҳокими Муратхон Эгамқулов имзолаган.

• Навоий
• Ободонлаштириш