31°
Кечаси 18°
Ички ишлар вазирлиги Тезкор-қидирув департаменти ва ДХХ ҳамкорлигида аҳоли орасида қурол, ўқ-дорилар ва портловчи моддаларни ноқонуний айланмасининг олдини олиш юзасидан тарғибот тадбирлари ўтказилмоқда.
Тадбирлар натижасида Тошкент шаҳрида яшовчи фуқаро ўз ихтиёри билан 1 дона қўл гранатаси, калибрли “ТОЗ-8” русумли ўқ отар қурол, 1 дона портлатиш қурилмаси ва 1 минг 646 дона қурол ўқларини топширди.
Жорий йилнинг 2 декабрь куни 1987 йилда туғилган фуқаро Тошкент шаҳар ИИББнинг 102 рақамига қўнғироқ қилиб, уйини таъмирлаш вақтида ертўладан қурол ва ўқ-дорилар топганини ҳамда ўз ихтиёри билан топширишини маълум қилган.
Келиб тушган мурожаат юзасидан, тезкор тадбир ходимлари томонидан ушбу фуқаронинг яшаш хонадони кўздан кечирилган.
Ушбу уйнинг ертўласидан 1 дона РГД-5 қўл гранатаси, 1 дона калибрли “ТОЗ-8” русумли ўқ ўтар қурол, 1 дона ўқ отар қурол, 1 дона портлатиш қурилмаси, 5 дона қўл гранат запали, 1 дона электро детанатор ҳамда унинг портловчи шнури, 546 дона турли хилдаги жанговар ўқ-дорилар ҳамда 1,1 минг дона калибрли пневматик қурол ўқлари, шунингдек ўткир тиғли жисмлар борлиги аниқланиб, тегишли тартибда ҳужжатлаштириб олинди.
Олиб борилган тезкор суриштирув ишлари давомида, мазкур қурол, ўқ-дорилар ва портловчи моддалар унинг марҳум отасига тегишли экани маълум бўлди.
Отаси Мудофаа вазирлигининг турли бўлинмаларида фаолият юритиб, Мудофаа вазирлиги ҳузуридаги Қуролли Кучлар Академиясидан нафақага чиққани ҳақидаги маълумотлар олинди.
Эслатиб ўтамиз, амалдаги қонунчилик талабларига риоя этган ҳолда ов қуроллари, ўқ-дорилар, турли хилдаги ўқотар қуроллари ҳамда портловчи моддалар, қилич каби ўткир тиғли жисмларни белгиланган тартибда ички ишлар органларига ихтиёрий равишда топширган шахсларга нисбатан ҳеч қандай маъмурий ёки жиноий жавобгарлик қўлланилмайди.
Ушбу воситаларни ноқонуний сақлаш, олиб юриш ёки ихтиёрий топширмаслик ҳолатлари аниқланган тақдирда, Жиноят кодексининг 248-моддасида кўрсатилган базавий ҳисоблаш миқдорининг 50 бараваригача миқдорда жарима ёки 2 йилдан 5 йилгача озодликдан маҳрум қилиш билан жазоланади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
