Sky News, BBC ва The Guardian нашрлари хабарига кўра, президенти Доналд Трамп Берлинда Украина ва АҚШ делегациялари ўртасида ўтказилган музокаралардан мамнун. Маълум қилинишича, “90 фоиз масалалар ҳал қилинган”.

BBC’нинг ёзишича, музокаралар давомида Доналд Трампнинг махсус вакили Стив Уиткофф ва куёви Жаред Кушнер, шунингдек, Украина президенти Володимир Зеленский ва Европа расмийлари Украина учун НАТО низомининг бешинчи моддаси мисолида хавфсизлик кафолатлари пакетини ишлаб чиққан.

“Ушбу келишувнинг асоси кўп жиҳатдан НАТО низомининг 5-моддасига ўхшаш жуда кучли кафолатлар, шунингдек, эҳтимолий агрессияни олдини олиш механизмлари сифатида Украинадаги ҳарбийлар сони ва мавжуд қуролланишга тааллуқлидир”, — дея изоҳ берган манбалардан бири.

“Ҳали муҳокама қилиниши керак бўлган баъзи масалалар мавжуд, аммо президент Доналд Трамп эришилган ютуқдан мамнун. Президент Россия Украинага таклиф қилинган кафолатларни қабул қилишига ишонади”, — дея қўшимча қилади Sky News манбаси.

• АҚШ
• Музокара
• Украина