Агар сиз Apple маҳсулоти рекламаларига эътибор берган бўлсангиз, iPhone, iPad ёки Mac каби барча қурилмалар ҳар доим бир хил вақтни кўрсатишини пайқаган бўлишингиз мумкин - уларда эрталабки 9:41 намойиш қилинади.

Бу тасодиф эмас, балки Apple компаниясига хос пухта ўйланган ҳаракат.

Бу функциянинг тарихи 2007 йилда, Стив Жобс iPhoneʼни биринчи марта тақдим этганида бошланган. Тақдимот эрталаб соат 9:00 да бошланади ва тахминан 42 дақиқадан сўнг Жобс ортидаги экранда соат 9:42 ни кўрсатувчи биринчи iPhone пайдо бўлади.

Бу лаҳза смартфон саноати учун инқилобий бўлди ва Apple ўзининг барча реклама тасвирларида вақтни 9:42 га белгилади. Бироқ 2010 йилда, биринчи iPadʼнинг чиқарилиши билан компания вақтни 9:41 га ўзгартирди.

Бугунги кунда Apple компаниясининг барча қурилмаларида соат 9:41 ни кўрсатиш анъанаси давом этмоқда.

Рекламада соат 10:09 кўрсатилган Apple Watch бундан мустасно, у 10:08 ни кўрсатадиган бошқа соатлардан устунлигини англатиши керак.

• Apple
• технология