31°
Кечаси 18°
Маълум қилинишича, Непал пойтахти Катмандуда полициянинг ҳукуматга қарши намойишчиларга қарата ўт очиши оқибатида 14 киши ҳалок бўлган, 70 дан ортиқ киши жароҳатланган.
Kathmandu Post газетасининг хабар беришича, полиция Катмандуда ҳукуматга қарши намойишчиларга аралашган.
Полициянинг намойишчиларга қарши сув тўплари, кўздан ёш оқизувчи газ ва ўқ-дорилар қўллаган аралашуви чоғида 14 киши ҳалок бўлгани билдирилди.
Непалдаги Facebook, Instagram, WhatsApp, YouTube, X, Reddit ва LinkedIn платформаларига кириш белгиланган муддатда Непал Алоқа ва ахборот технологиялари вазирлигига рўйхатдан ўтиш учун аризалар топширилмагани сабабли блокланди.
Вазирлик керакли рухсатномаларни олган платформалар ўша куни кириш учун қайта очилишини эълон қилди.
Бунинг ортидан аксар ёшлар парламент биноси томон юриб, коррупция айбловлари ва ҳукуматнинг ижтимоий тармоқларни ёпиш қарорига норозилик билдиришган.
Ҳодисалар авж олгандан сўнг ҳокимият парламент атрофидаги муҳим ҳудудларда маҳаллий вақт билан 22:00 гача комендантлик соати эълон қилгани маълум қилинди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
