Исроил бош вазири Бинямин Нетаняху 28 сентябрь куни Қатар бош вазири Муҳаммад бин Абдураҳмон Ол Сонийга қўнғироқ қилиб, 9 сентябрь куни Исроилнинг Доҳага берган зарбаси оқибатида Қатар хавфсизлик хизмати ходими ҳалок бўлгани учун узр сўради. Бу ҳақда Axios хабар берди.

Нашрнинг таъкидлашича, “узр сўраш” Қатарнинг Ғазодаги урушни тўхтатиш ва гаровга олинганларни озод қилиш бўйича музокараларда Исроил ва ХАМАС ўртасидаги воситачилигини қайта тиклаш учун асосий шарт бўлган.

Маълум қилинишича, Нетаняхунинг қўнғироғи унинг Вашингтонга расмий ташрифи чоғида амалга оширилган.

Америка ва Исроил расмийларининг фикрича, Қатар воситачилигининг қайта тикланиши келишувга эришиш учун муҳим ҳисобланади.

9 сентябрь куни Доҳага берилган зарба ХАМАС етакчиларига қаратилди, бироқ бунинг оқибатида асосан қуйи даражадаги амалдорлар ҳалок бўлди. Исроил расмийлари нишон “юқори мартабали террорчилар” бўлганини даъво қилмоқда, аммо операция жиддий дипломатик инқирозга олиб келганини тан олмоқда. Бир қатор араб давлатлари Исроилнинг ҳаракатларини кескин қоралади.

• Binyamin Netanyaxu
• Isroil
• Муносабат
• Қатар