Ўзбекистон Республикасининг 2020 йил 8 июлдаги “Ов қилиш ва овчилик хўжалиги тўғрисида”ги 627-сон Қонунига мувофиқ, ҳар йили 1 мартдан 15 августга қадар республика ҳудудида ов мавсуми ёпилди. Бу ҳақда Экология ва иқлим ўзгариши миллий қўмитаси хабар берди.

Ушбу чеклов биологик асраш, ёввойи фауна вакилларининг кўпайиши даврида уларни муҳофаза қилиш ҳамда табиий мувозанатни таъминлашга хизмат қилади.

Экология қўмитаси ва ҳудудий бошқармалар томонидан тегишли ташкилотлар билан ҳамкорликда доимий рейд тадбирлари олиб борилмоқда. Тақиқланган мавсумда ов қилиш амалдаги қонунчиликка мувофиқ қатъий жавобгарликка сабаб бўлади. 

“Экология ва иқлим ўзгариши миллий қўмитаси фуқароларни ов мавсуми ёпиқ даврида табиатга эҳтиёткорона ва масъулият билан муносабатда бўлишга чақиради”, – дейилади хабарда.

Шунингдек, фуқаролардан ноқонуний ов ҳолатларига дуч келган тақдирингизда, 1157, 1207, (71) 207-11-07, (71) 207-11-08 ишонч телефонлари ёки ecogovuz_bot Telegram боти орқали ва қўмитанинг ҳудудий бошқармаларига мурожаат қилишлари сўралган.

• Давлат экология қўмитаси
• тақиқ