Германиянинг Дюсселдорф шаҳрида тезкор шахмат бўйича жамоалар ўртасида ўтказилган биринчи FIDE жаҳон чемпионатида ҳамюртимиз Нодирбек Абдусатторовнинг “WR Chess” жамоаси ғолибликни тантана қилди.

Ўтказилган ўйинларда иккита дуранг ва ўнта ғалабага эришган “WR Chess” биринчи ўринни эгаллаган. “Теам Фреедом” жамоаси иккинчи, 18 очко жамғаришга муваффақ бўлган Ҳиндистон шахматчиларидан иборат “MGD1” вакиллари учинчи ўринни эгаллаган.

Нодирбек Абдусатторов, Ян Непомняший, Уесли Со, Ян-Кшиштоф Дуда, аёл шахматчилар Хоу Ифан ва Александра Костенюкдан иборат “WR Chess” жамоасига тақдирлаш маросимида махсус кубок, медаллар ва 100 минг евро мукофот тақдим этилган.

Иккинчи ўринни эгаллаган “Team Fredoom” шахматчилари 60 минг евро, “MGD1” жамоаси эса 40 минг евро билан тақдирланган. Мусобақада кейинги ўринлардан жой олган Арманистон жамоаси 25 минг, Германия ва унинг дўстлари жамоаси эса 12 минг 500 еврони қўлга киритган.

• Германия
• Жаҳон чемпионати
• Nodirbek Abdusattorov
• Шахмат