Свалбард губернатори Ларс Фауз Том Круз жамоасига “Уддалаб бўлмас топшириқ” фильмини суратга олиш учун керак бўлган архипелагга вертолёт қўниши учун рухсат бермади.
Круз Свалбардда фильмнинг бир нечта саҳналарини суратга олишни режалаштирган. Ишлаб чиқарувчилар Норвегия расмийларидан 30 та вертолёт қўнишга рухсат сўрашган.
Губернатор берган рад жавобини маҳаллий табиатни бузишни истамаслиги билан изоҳлади.
“Архипелагда саёҳат одамлар ёки ҳайвонларга ортиқча ноқулайлик туғдирмайдиган тарзда амалга оширилиши керак”, деди департамент.
Бош ролни Том Круз ижро этган “Уддалаб бўлмас топшириқ” фильмининг саккизинчи қисми 2024 йилда мухлисларга тақдим қилинади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!