“Қўшма Штатларнинг Россияга Украинадаги урушни тўхтатиш бўйича ультиматуми муҳлати 10 кундан сўнг тугайди, саноқ бугундан бошланди”, – дея журналистларга баёнот берди АҚШ президенти Доналд Трамп. Оқ уй брифинг аудиотранслясиясини ўз ЁуТубе-каналида узатди.

“Бугундан бошлаб ўн кун. Биз божлар киритамиз. Мумкин бўлган барча чораларни қўллаймиз. Балки бунинг таъсири бўлар, балки йўқ”, — деган Трамп.

28 июль куни Доналд Трамп ўз баёнотида Украинадаги урушни жиловлаш борасида ҳеч қандай силжишни кўрмаётганини айтганди. Шу боис у Россия учун жангларни тўхтатишга белгиланган 50 кунлик муддатни 10-12 кунгача қисқартиришга қарор қилганини айтган эди.

Трампнинг ультиматумига кўра, бу вақт ичида келишувга эришилмаса, АҚШ Россияга ва у билан ҳамкорлик қилаётган мамлакатларга 100 фоизлик божларни қўллайди.

• АҚШ
• Ogohlantirish
• Россия
• Трамп
• Украина
• Уруш