Тошкент вилоятида газ таъминоти филиали комплекс назорат тузилмалари, туман/шаҳар газ таъминоти бўлими ва “Ўзенергоинспексия” ходимлари ҳамкорлигида ўтказилган назорат тадбирларида “зангори ёқилғи”дан фойдаланишда қоидабузарлик содир этганлар аниқланди.

Хусусан, Тошкент туманида жойлашган “И. С. С.” МЧЖга қарашли мебель ишлаб чиқариш корхонасининг табиий газдан фойдаланиш ҳолати ўрганилганда, истеъмолчи таъминот идораси билан шартнома тузмасдан, табиий газдан ноқонуний фойдаланиб келаётгани маълум бўлди. Ҳолат юзасидан далолатнома тузилиб, дастлабки ҳисоб-китобларга кўра, 1 миллиард 134 миллион сўмлик зарар аниқланди.

Яна бир ноқонуний ҳолат туманнинг “Чинор” МФЙда жойлашган “Д. Д. А.” ЙТТга қарашли овқатланиш масканида фош этилди. Бинода ҳисоблагичдан ташқари резина шланг орқали тармоққа уланиб, табиий газдан ноқонуний фойдаланиб келинаётгани маълум бўлди. Мазкур ҳолат бўйича 137 миллион сўмлик зарар қайта ҳисоб-китоб қилинди.

Юқоридаги ноқонуний ҳолатларга оид барча ҳужжатлар ҳуқуқни муҳофаза қилувчи органларга топширилди.

• Umumiy ovqatlanish
• Zararkunanda
• korxona
• korxona va tashkilotlar