24°
Кечаси 12°
30 ёшдан ошган 116 000 дан ортиқ одам иштирокида ўтказилган катта тадқиқот ўлим хавфини камайтириш учун ҳафтасига 300 дан 600 дақиқагача жисмоний машқлар қилиш кераклигини аниқлади. Ҳатто бунинг учун ўртача жисмоний фаолият (юриш ёки гимнастика) ҳам етарли бўлади.
Агар сиз машқларни янада жадалроқ қилсангиз (сузиш, югуриш ёки велосипедда юриш), тана учун бир хил фойда билан ҳафтасига атиги 150-300 дақиқа машқ қилишингиз мумкин. Бу 7 кун ичида 2,5-5 соат ёки, ҳар куни бир соат муддатга тўғри келади.
“Circulation” илмий журналида чоп этилган тадқиқотга кўра, 150-600 дақиқаси машғулот учун ажратиладиган ҳафталик режа умр кўриш давомийлиги нуқтайи назаридан энг фойдали ҳисобланади.
Тадқиқотда, хусусан, юрак-қон томир тизими билан боғлиқ муаммолар кўриб чиқилди. Олимлар бунинг учун ўртача ёки кучли жисмоний фаолиятнинг қўшимча фойда ёки зарарли таъсири бор-йўқлигини аниқлашга ҳаракат қилишди. Хулосалар қуйидагича:
Ҳафтада 150-300 дақиқа ўртача жисмоний фаоллик барча сабабларга кўра ўлим хавфини 20-21 фоизга камайтиришга олиб келади;
75-150 дақиқа интенсив фаоллик хавфни 19 фоизга камайтиради;
ҳафтада 600 дақиқагача ўртача фаоллик 26-31 фоизга пасайтиради;
ўртача фаоллик билан юрак-қон томир касалликлари хавфи 22-25 фоизга, интенсив фаолликда эса 31 фоизга камаяди.
Тадқиқот муаллифларининг таъкидлашича, соғлиқ учун максимал фойда мўътадил ва интенсив фаолиятнинг ўртача ёки юқори интенсивлиги, шунингдек, иккаласининг комбинацияси билан таъминланади.
Шу билан бирга, олимлар изланишларига кўра ҳаддан ташқари фаолликдаги соғлиқ учун хавфни аниқланмаган, лекин у ҳам қўшимча фойда келтирмайди. Бошқача қилиб айтганда, оғир жисмоний машқлар ҳеч қандай зарар келтирмаслиги мумкин, аммо ундан ўлим хавфини камайтиришда фойдаланиш тўғри қарор эмас.
“Бизнинг тадқиқотимиз одамларга умумий саломатликни сақлаш учун ҳаётлари давомида жисмоний фаолиятнинг тўғри миқдори ва интенсивлигини танлашга ёрдам берадиган маълумотларни тақдим этади”, – деди Гарвард университети мутахассиси Донг Хонг Ли.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
