Хитойлик олимлар қон оқимини кўриш учун фотоакустик қурилмани ихтиро қилишди. У қўл соатидек кичик ўлчамга эга.

Барча ёрдамчи ускуналар, шу жумладан, қувват манбаи ва лазер оғирлиги 7 килограммдан ошмайдиган рюкзакка жойлаштирилган.

Тадқиқотчилар гажетнинг ишлаш принсипи ҳақида маълумот беришди. Ёруғлик энергияси иссиқликка айланади. Натижада тана ҳарорати ўзгара бошлайди. Термоеластик кенгайиш туфайли аниқланиши мумкин бўлган товуш тўлқинлари чиқа бошлайди. Ультратовушдан фарқли равишда фотоакустика анатомик тасвирлардан кўра аниқ, юқори аниқликдаги функсионал ва тизимли тасвирлар ҳосил бўлади.

Ушбу техникадан фойдаланиб, тўқималарни 30 миллиметр чуқурликкача сканерлаш мумкин. Бу қон томирларининг ҳолатини ва қондаги кислород билан тўйинганлик даражасини баҳолаш учун муҳимдир.

Тадқиқот муаллифи Лей Сининг таъкидлашича, бу тиббиётда амалий фойдаланиш учун мос бўлган дунёдаги биринчи фотоакустик қурилма. Юрак уриши тезлиги, қон босими ва қоннинг кислород билан таъминланиши даражасини таҳлил қилиш орқали одамнинг юраги қанчалик яхши ишлаётганини аниқлаш мумкин.

Қурилма аллақачон турли шароитларда бир нечта кўнгиллиларда синовдан ўтказилди. Синов тизимнинг умумий фойдаланиш учун қулайлигини ва юқори даражада барқарорлигини тасдиқлади. Келажакда қурилмани яхшилаш ва унинг ўлчамларини кичрайтириш мумкин. Ақлли соатлар корпусига барча керакли компонентларни жойлаштириш орқали рюкзакдан воз кечиш мумкинлигига олимларнинг ишончи комил. Қурилмадан нафақат қон томирларининг ҳолатини баҳолаш, балки саратон ва юрак-қон томир тизими касалликларини дастлабки босқичларда аниқлаш учун ҳам фойдаланиш мумкин.

• Кашфиёт
• саломатлик