Калифорниялик олимлар қуёш системасининг музли сайёралари — Уран ва Нептунда олмос ёмғирлари ёғишини аниқлади. 

Олдин олмослар юқори босим шароитида углерод бирикмаларидан пайдо бўлиши маълум эди. Кейин улар аста-секин атмосферанинг юқори қатламларидан чуқурликка тушадилар.

Янги тадқиқот муаллифлари углерод манбайи сифатида углеводород бирикмаси полистиролдан тайёрланган плёнкадан фойдаланган. Кейин олмос ҳужайралари ва лазерлардан фойдаланиб, уни жуда юқори босимга ва 2200 даража Цельсийгача бўлган иссиқликда синашди.

Тажриба шуни кўрсатдики, олмос ҳосил бўлиши кутилганидан пастроқ ҳарорат ва босимларда бошланади. Газ сайёралари учун бу олмос ёмғирининг саёзроқ чуқурликда содир бўлишини ва магнит майдонларнинг шаклланишига кучли таъсир кўрсатиши мумкинлигини англатади.

• Коинот