Бугун, 7 июн куни Президент раислигида ўтказилаётган йиғилишда йўл бўйи инфратузилмасини ривожлантириш масаласига тўхталиб ўтилди. 

Маълумотларга кўра, Бойсундаги Омонхона қишлоғида 1 та сиҳатгоҳ, 3 та меҳмонхона бўлиб, меҳмонларни 190 та хонадон қабул қилади (йилига ўртача 22-25 минг меҳмон келади).

Ушбу қишлоқдаги ҳоким ёрдамчиси меҳмонлар оқимини 100 мингга етказиш бўйича иш бошлаган.

Таъкидланишича, агар йўл инфратузилмаси яхшиланса, йўл бўйида 200 дан зиёд сервис обектлари ва камида 1 мингта иш ўринлари пайдо бўлади. 

Умуман, 28 та йирик шаҳар, хизмат кўрсатиш салоҳияти юқори 10 та туманда ишлар янги ёндашувлар асосида ташкил этилади. Хусусан, бу ҳудудларнинг мастер-режаси ишлаб чиқишга 200 миллиард сўм ажратилади.

Бунда:

- бир ҳафта муддатда ҳар бир туман ва шаҳарда лойиҳа офислари тузилиб, хорижий консалтинг компаниялари ва экспертлар жалб қилинади;

- лойиҳа офислари бир ой муддатда ушбу туман ва шаҳарлар аҳолиси таклифлари асосида мастер-режани ишлаб чиқади.

Шунингдек, ушбу туман ва шаҳарларга тижорат банклари бириктирилиб, сервис лойиҳаларини молиялаштиришга масъул бўлади.

• Бойсун
• Mehmonxona
• Шавкат Мирзиёев
• Видеоселектор
• ҳоким