Ҳиндистонлик миллиардер Мукеш Амбани ўғли Анантнинг тўй маросимлари март ойида бошланган ва 14 июлда тугади. Мутахассислар барча тўй тадбирларининг умумий қийматини 600 миллион долларга баҳоламоқда, деб ёзади “Тhе Guardian”.

Газета куёвнинг отаси, миллиардер раиси ва Reliance Industries компанияси бошқарувчи директори Мукеш Амбани Осиёдаги энг бой одам деб атайди. Мукеш янги турмуш қурганларга Дубайдаги Палм-Жумейра оролида 10 хонали вилла ва хусусий пляжни совға қилди, унинг нархи тахминан 80 миллион доллар.

Анант танлагани Ҳиндистондаги энг йирик фармацевтика компанияси Encore Healthcare асосчиларининг қизи Радҳика эди. Ёшлар (иккаласи ҳам 29 ёш) бир-бирларини болалигидан билишади. Улар 2018 йилда университетларни тамомлагандан кейин муносабатларини эълон қилишган.

Таклиф этилган меҳмонлар орасида дунёнинг машҳур шахслари, бизнес магнатлари ва сиёсатчилар бор. Хусусан, актриса Ким Кардашиан, қўшиқчи Ник Жонас, Ҳиндистоннинг собиқ президенти Рам Натҳ Ковинд, Буюк Британия собиқ бош вазири Тони Блер ва кўплаб Болливуд юлдузлари тўй тантаналарига Мумбайга келишган.

• Ҳиндистон
• to‘y