Бир неча кун олдин Осиёнинг энг бадавлат одами деб аталган ҳиндистонлик миллиардер Мукеш Амбани ўғлининг тўйи муносабати билан якуний тантана бўлиб ўтди. Жами тўрт ой давом этган дабдабали байрамга қарийб 600 миллион доллар сарфланган.

Тўй олдидан миллиардернинг меросхўри таниб бўлмас даражада ўзгарган. 29 ёшли Анант Амбани турли вақтларда 88 дан 208 кг.гача бўлган. Тўй маросими арафасида у шахсий мураббий билан ишлашни ва икки баравар тиришқоқлик билан тўғри овқатланишни бошлаган. Якунда у тарози бўйича 108 кг кўрсаткичга эришган.

Кичик Амбани саломатлик ва вазн йўқотиш йўли 2014 йилда бошланган, унга астма ва юрак муаммолари ташхиси қўйилган бўлиб, кейинчалик эндокрин тизими билан боғлиқ муаммолар янада кучайган. Йигит тез овқатланишдан бутунлай воз кечган ва спорт билан шуғулланган. Йога, куч машқлари ва юришга эътибор қаратган.

“Анант барча кераксиз озиқ-овқатларни шакар ва углеводларда кам, аммо таъсирчан протеин даражасига эга овқатлар билан алмаштирди. Унинг диетасининг асосий қисмини мева ва сабзавотлар, ясмиқ ва дуккаклилар ташкил қилади. У кунига 1200-1400 ккал истеъмол қилади”, дейилади хабарда.

• Ҳиндистон
• миллиардерлар