Охирги беш йилда икки давлат ўртасидаги фойдали қазилмаларни қидириш ва ўзлаштириш, транспорт, машинасозлик, электротехника, қурилиш материаллари ишлаб чиқариш, тўқимачилик ва бошқа соҳаларда ўзаро ҳамкорлик кенгаймоқда.

2023 йилнинг январ-октябрь ойларида Ўзбекистон Озарбайжонга 9,1 миллион долларлик 5,5 минг тонна мева-сабзавот экспорт қилган.
2023 йилда Ўзбекистон ва Озарбайжон қўшма лойиҳаларни молиялаштириш учун устав капитали 500 миллион доллар бўлган қўшма инвестиция фондини ташкил этди.

Шу йилнинг ўзида томонлар автомобилсозлик соҳасида ҳамкорликни кенгайтириш бўйича меморандум имзолаган, унга кўра Озарбайжон Республикасида йилига 30 минг автомобиль ишлаб чиқариш қувватига эга завод қурилади.
Режалар орасида Озарбайжонда пахтани қайта ишлаш заводи қуриш ва Ўзбекистоннинг етакчи пахта тозалаш тизимлари ишлаб чиқарувчи корхонасининг сўнгги технологик линиясини ўрнатиш, шунингдек, Озарбайжоннинг Барда шаҳрида ипак маҳсулотлари ишлаб чиқариш корхонасини очиш кўзда тутилган.

Сўнгги 5 йил ичида Ўзбекистон ва Озарбайжон ўртасидаги товар айирбошлаш ҳажми 6,2 баравар ошди – 2017 йилдаги 29 миллион доллардан 2022 йилда 181,2 миллион долларга етганди.

Озарбайжон ва Ўзбекистон президентларининг 24 ноябрь куни Бокуда бўлиб ўтган учрашувида жорий йилда товар айирбошлаш ҳажми 34 фоизга ошгани таъкидланди. Мамлакатлар ўзаро товар айирбошлаш ҳажмини 1 миллиард долларга етказишни режалаштирмоқда

• Ҳамкорлик
• Президент